Sən nə qədər geciksən də,
Gözləyəcəm yolunu mən.
Yadda saxla bunu sən də,
Gözləyəcəm yolunu mən.

Can, deyək, can eşidək biz,
Ayrı düşdük, nə edək biz,
Gözə gəlməsin eşqimiz,
Gözləyəcəm yolunu mən.

Rahat olmur gözləyən kəs,
Onun üçün hər şey əbəs,
Kədərlənər, deyib-gülməz,
Gözləyəcəm yolunu mən.

Xəbər al, Əli Vəkili,
Yada sal, Əli Vəkili,
Di gəl bul, Əli Vəkili,
Gözləyəcəm yolunu mən.

20 sentyabr 2000