Bir arzum var bu həyatda, bir arzum,
Onun arxasınca hey qaçıram mən.
Qəlbimdə əbədi baharım, yazım,
Önündə dayanıb əl açıram mən.

Bir arzum var, hər arzuya bənzəmir,
Bəzən susur, fikrə dalır, söz demir,
Urəyimi dağlayacaq köz, demir,
Göylərdə uçuram, qol açıram mən.

Bir arzum var, Əli Vəkil arzusu,
Sevdalı il, gözəl fəsil arzusu,
Sevimli ay, dəyərli il arzusu,
Ulduzlu səmaya yol açıram mən.

7 yanvar 2003