Gözüm dikilib yollara,
Eşqim, hardasan, hardasan?
İl dolanıb, bahar gəlib,
Eşqim, hardasan, hardasan?

Qəlbim qalıb intizarda,
Qılınc çalır intizar da,
Qoyma ğarı məni darda,
Eşqim, hardasan, hardasan?

Axı, sənsiz darıxmışam,
Gözləyirəm səhər, axşam,
Sevən qəlbim yanar bir şam,
Eşqim, hardasan, hardasan?

Səni hər vaxt anam gərək,
Qibləgahım sanam gərək,
Eşn oduna yanam gərək,
Eşqim, hardasan, hardasan?

Gəl yollardan yığ gözümü,
Dinlə nəğməmi, sözümü,
Tanrım veribdir dözümü,
Eşqim, hardasan, hardasan?

Əli Vəkil gözləyəcək,
Yubanma, tez gəl, deyəcək,
Ayrılığa dözmür ürək,
Eşqim, hardasan, hardasan?

0