Könlüm səni anır hər an,
Mənim Bakım, mənim Bakım!
Sən ürəyim, sən canımsan,
Mənim Bakım, mənim Bakım!

Dədə Qorqudun elində,
Sevgi nəğməsi dilində,
Boy at Xəzər sahilində,
Mənim Bakım, mənim Bakım!

Göz dağısan bədxahlara,
Niyyətləri, qəlbi qara,
Yaraşıqsan bu diyara,
Mənim Bakım, mənim Bakım!

Nur saçırsan sən mayaktək,
Eşqin ilə vurur ürək,
Kim vurulmaz səni görcək,
Mənim Bakım, mənim Bakım!

Doğma anan Azərbaycan,
Təbriz adlı qardaşı an,
Gözəl şəhər, cənnət məkan,
Mənim Bakım, mənim Bakım!

1990