Mənalı-mənalı baxaraq hərdən
Odları qəlbimə saldı gözlərin.
Özüm də doğrusu bilmirəm nədən
Nitqimi əlimdən aldı gözlərin.

Sevib-seviləndə başqa hal olur,
Hərdən şeyda bülbül, hərdən lal olur.
Eşqinsə mənimçün bir xəyal olur,
Bəs nədən fikrə daldı gözlərin?

İnsaf et, nə olar, bir ötərgi bax,
Əlini odlara gəl az yandır, yax.
Axırda bircə söz deyirəm ancaq,
Qəlbimdə yadigar qaldı gözlərin.