Ukraynada özümü
Qonaq saymayıram mən.
Doğma ata evinə
Gəlmişəm öz evimdən.

Bu yerlərin hər daşı
Durub qəhrəman kimi.
Bu yurdun hər qayası
Danışır insan kimi.

Bu gün nağıla dönmüş
Ötənlərdən danışır.
Səngərlərdə öləndən,
İtənlərdən danışır.

Danışır yana-yana,
Söyləyir aram-aram.
Ona qulaq asdıqca
Göynəyir mənim yaram.

Onun hər qəlpəsində
Berlinə igidliklə
Çatanı görürəm mən.
Onun hər kəlməsində
Atamı görürəm mən!

1974