Yarımın stiəmləri yetiribdir cana məni,
Qorxuram bu sevdadan eyləyə divanə məni.

Bilmirəm insafsızın qəlbi axı daşdı, nədi?
Gen dolanır yarından, qoyub yana-yana məni.

Çoxdu sevib-sevilən ulu dünyamızda bu gün,
Nədən yarım görəsən çəkir imtahana məni?

Eşqinə sadiq olub, yarə nəğmələr yazıram,
Sanki ilhama gəlir çəkcək o hər yana məni.

Dərd bilən vəfadarın yolunda candan keçərəm,
Eşidib sözlərimi sanmayın pərvanə məni.

Gözləri sevgilimin aynasıdır həyatımın,
Tanrı onu sevməyə göndərib cahana məni.

Əli Vəkil, deyəcək ellərə bu misraların:
Qapısına gətirib sevgimi dərmana məni.

10 iyun 2002