Kədərləndi bu diyar,
Nə tez soldu bu diyar?
Daşnaklara olsun ar,
Səni andı Sarcalar,
Oğlu sandı Sarcalar.

Əzminlə, qüdrətinlə,
Koroğlu qeyrətinlə,
Öyündü şöhrətinlə,
Səni andı Sarcalar,
Oğlu sandı Sarcalar.

Mətin oğlum sayardı,
Zəfər bulum, sayardı,
Soruşar, yoxlayardı,
Səni andı Sarcalar,
Oğlu sandı Sarcalar.

Qəfil xəbərin gəldi,
O kədərli gün gəldi,
Soraq gəldi, ün gəldi,
Səni andı Sarcalar,
Oğlu sandı Sarcalar.

Ruhum uçmaq istədi,
Doğma elin səslədi,
Gör haçandan xəstədi?
Səni andı Sarcalar,
Oğlu sandı Sarcalar.

Dindi, mərd övlad, – deyə,
Məğlub olsun yad, – deyə,
Yaşayar bu ad, – deyə, ?
Səni andı Sarcalar,
Oğlu sandı Sarcalar.

Atan, anan gəl, dedi,
Odlar yurdu inlədi,
Mələklər də dinlədi, ?
Səni andı Sarcalar,
Oğlu sandı Sarcalar.

10 iyun 2013