Bahar gəlir, bahar gəlir,
Yaşıllaşır hər dərə, düz,
Şən quşların nəğməsiylə
Salamlayaq dünyanı biz.

Bahar gəlir, bahar gəlir,
Dilə gəlir axan çaylar.
Hər bir ilin öz aləmi,
Hər baharın öz yeri var.

Bahar gəlir, bahar gəlir,
Qanadlanır sevinc səsi.
Bahar qəlbin həyəcanı,
Bahar eşqin təntənəsi.

Bahar gəlir, bahar gəlir,
Xariqələr yaradırıq.
Qəlbimizdə inam hissi,
Nələr, nələr yaradırıq.

Bahar gəlir, bahar gəlir,
Qiymətlidir hər bir anı.
Qoy həmişə cənnət görək
Kainatı, bu dünyanı.

Bahar gəlir, bahar gəlir,
Salamlayaq hər gününü.
Qoy dolaşsın qaranquşlar,
Sığırçınlar yer üzünü.

Bahar gəlir, bahar gəlir,
Pişvazına çıxağın biz.
Qəlbimizdə zəhmət eşqi,
Baharlaşsın qoy ömrümüz!