Qəlbində köz olaram,
Dilində söz olaram,
Əhdimə düz olaram,
Atıb getmə, amandı.

Səndən uzaqlaşmaram,
Harda olsan bil varam,
Mən əhdə sadiq yaram,
Atıb getmə, amandı.

Gülüşünəm üzündə,
Al şəfəqəm gözündə,
Taqətinəm dizində,
Atıb getmə, amandı.

Həsrətindən kül ollam,
Xoşladığın gül ollam,
Sənə sadiq qul ollam,
Atıb getmə, amandı.

Əli tək sevən hanı?
Gəz, dolan bu dünyanı,
Həsrətindən yananı
Atıb getmə, amandı.

2 fevral 2002