Səadətdir, gülüm, sevmək, sevilmək,
Qiyamətdir, gülüm, sevmək, sevilmək,
Sarsılmazdır məhəbbətin qalası,
Ürəyimsən, ay başımın bəlası,
Gərəyimsən, ay başımın bəlası.

Hamı bilir vardır vəfan, sevgilim,
Xoşdur mənə, xoşdur cəfan, sevgilim,
Saf eşqimiz yaşayası, alası,
Mələyimsən, ay başımın bəlası,
Diləyimsən, ay başımın bəlası.

Əl çirkidir bu dünyada var-dövlət,
Qəlbdən sevsən düşməz yada var, dövlət,
İlqarımız illərə səs salası,
Çiçəyimsən, ay başımın bəlası,
Göyçəyimsən, ay başımın bəlası.

Bəyan edin, toyumuzun vaxtını,
Tez bəzəyin bəylə-gəlin taxtını,
Çalğıçılar «Vağzalı»nı çalası,
Göyçəyimsən, ay başımın bəlası,
Gərəyimsən, ay başımın bəlası.

5 fevral 1998