Ay uşaqlar, yaz gəlib,
Hey dolaşın siz dağı.
Yaxşı tanıyırsınız
Yəqin bizim Bozdağı?

Sinəsi bomboz olub,
Bozdağ deyiblər ona.
Heç kəs çıxmaz bu dağın
Çılpaq yamaclarına.

Kim tanımır, bir deyin,
Məğrur, igid Sarvanı?
Boz dağa hücum çəkən
Mətin, qorxmaz insanı?

Nəğmələrin içində
Nəğməsi var Bozdağın.
Öpür ətəklərini
Mavi sular Bozdağın.

Bozdağa layla çalır
Mingəçevir dənizi.
İnsan sevir işığı,
İnsan sevir dənizi!