Qaradır gözün sənin,
Şirindir sözün sənin,
Gülərdir üzün sənin,
Gül, fərəhim, gül, şənim!
Gülşənim, ay Gülşənim!

Gör necə bəzənmisən,
Sanki göydən enmisən,
Cilvələnən sənmisən?
Gül, ay üzlüm, gül, şənim!
Gülşənim, ay Gülşənim!

Unuda bilməm səni,
Dinlə qəlbim deyəni,
İnsafsızsan sən, yəni?
Gül, gözəlim, gül, şənim!
Gülşənim, ay Gülşənim!

Ötəri bax, bir dayan,
Mən yandığım oda yan,
Çıxmırsan xəyalımdan,
Gül, mələyim, gül, şənim!
Gülşənim, ay Gülşənim!

1981