Məni yolumdan eyləyən,
Halı pərişan eyləyən,
Eşqinə mehman eyləyən,
Könlümə həmdəm ol, gülüm.

Gül çöhrəni anıram mən,
Səni mələk sanıram mən,
Hər mətləbi qanıram mən,
Könlümə həmdəm ol, gülüm.

Nə duzlusan, məzəlisən,
Təmiz eşqin əzəlisən,
Azərbaycan gözəlisən,
Könlümə həmdəm ol, gülüm.

Arzulayır ürək səni,
Dön bizə gəl, görək səni,
Əli sevsin gərək səni,
Könlümə həmdəm ol, gülüm!

24 oktyabr 2001