Qəlbi təmizdən təmiz,
İncədən incə gözəl.
Eşqi dalğalı dəniz,
İncədən incə gözəl.

Mələklərə bacısan,
Məhəbbətin tacısan,
Saf ürək möhtacısan,
İncədən incə gözəl.

Üzündə qəlbin nuru,
Qəlbində eşqin qoru,
Qoru, əhdini qoru,
İncədən incə gözəl.

Sözdən ilham alırsan,
Xəyallara dalırsan,
Ürəyə od salırsan,
İncədən incə gözəl.

Əli Vəkil, yaz yenə,
Gərəyindir söz yenə,
Baxmaq olmur gözünə,
İncədən incə gözəl.

Rusiya, İvanovo şəhəri
12 iyul 2002