Qəlbi təmizdən təmiz,
İncədən-incə gözəl.
Eşqi dalğalı dəniz,
İncədən incə-gözəl.

Mələklərə bacısan,
Məhəbbətin tacısan,
Sədaqətin tacısan,
İncədən incə-gözəl.

Üzündə qəlbin nuru,
Ürəkdə eşqin qoru,
Qoru, əhdini qoru,
İncədən incə-gözəl.

Sözdən ilham alırsan,
Xəyallara dalırsan,
Ürəyə od salırsan,
İncədən incə-gözəl.

Əli Vəkil, yaz yenə,
Gərəyindir söz yenə,
Baxmaq olmur gözünə,
İncədən incə-gözəl.

12 iyul 2002
Rusiya, İvanovo şəhəri