Nə yaxşı ki, bu dünyada
Gülüm, varsan mənim üçün.
Qönçələnib ömrüm-günm,
İlk baharsan mənim üçün.

Azad, xoşbəxt yaşa, gülüm,
Addımlayaq qoşa, gülüm,
Vuraq ömrü başa, gülüm,
Vəfadarsan mənim üçün.

Həyatımın bəzəyi sən,
Qönçəsi sən, çiçəyi sən,
Qızların ən göyçəyi sən,
İftixarsan mənim üçün.

Ürəyimə dayaq eşqin,
Yollarımda mayak eşqin,
Başı qarlı bir dağ eşqin,
Sadiq yarsan mənim üçün.

Unutmayaq əhdimizi
Ülvi sayaq əhdimizi,
Ayırmasın dövran bizi,
Havadarsan mənim üçün.

5 mart 2000