Qəlbim çırpınır yaman,
Yubanma, gəl, sevgilim.
Darıxmışam, ay aman,
Yubanma, gəl, sevgilim!

Tez özünü yetir sən,
Mənə sevinc gətir sən,
Dərdi, qəmi itir sən,
Yubanma, gəl, sevgilim!

Yaman sənsizləmişəm,
Doyunca qəm yemişəm,
Nəğmə yazmaqdır peşəm,
Yubanma, gəl, sevgilim!

Şöhrətimsən, adımsan,
Uçmağa qanadımsan,
Eşqimsən, muradımsan,
Yubanma, gəl, sevgilim!

Gəl sevindir Əlini,
Söz de, dindir Əlini,
Yandır, söndür Əlini,
Yubanma, gəl, sevgilim!

Aprel 1996