Xoş gündə yaradıb yaradan səni,
Gülərüzlü vəfadarımsan mənim.
Sandım Günəş səni, sandım dan səni,
Şirin sözlü vəfadarımsan mənim.

Soyuq baxma donan olum eşqindən,
Ürəkdən sev yanan olum eşqindən,
Məcnun olum, Sənan olum eşqindən,
Alagözlü vəfadarımsan mənim.

Məhəbbətin asimandır, asiman,
Ürəyimdə gəzdirirəm hər zaman,
Həyatımsan, varlığımsan, gəl inan,
Dadlı-duzlu vəfadarımsan mənim.

Aprel 1988