Ürəyimdə isti yerin,
Qoy olmasın dərdi-sərin,
Bacısısan mələklərin,
Sevimlisən, əzizim, bil.

Gül çöhrəni anıram mən,
Səni doğma sanıram mən,
Həsrətindən yanıram mən,
Sevimlisən, əzizim, bil.

Nə duzlusan, məzəlisən,
Odlara yan, məzəlisən,
Bizim elin gözəlisən,
Sevimlisən, əzizim, bil.

Arzulayır ürək səni,
Gülər üzlü görək səni,
Qəlbdən sevəm gərək səni,
Sevimlisən, əzizim, bil.

Əli Vəkil, sözə möhtac,
Həm də gülər üzə möhtac,
Qaynar, qara gözə möhtac,
Sevimlisən, əzizim, bil.

2 may 2002