İlham coşur ürəkdə,
Aşıb-daşır ürəkdə,
Pıçıldaşır ürəkdə,
Hər səni görən zaman.

Artır gücüm, cürətim,
İnamım, dəyanətim,
Çağlayır məhəbbətim,
Hər səni görən zaman.

Dünya gülür gözümdə,
Dan sökülür gözümdə,
Şirinləşir sözüm də,
Hər səni görən zaman.

Ay mələyim, ay incim,
Yoxdur sənə tay, incim,
Ümman olur sevincim,
Hər səni görən zaman.

Aşmağa dağ istərəm,
Qanad açmaq istərəm,
Sənə çatmaq istərəm,
Hər səni görən zaman.

10 iyun 2011