Mənə qol-qanad verən,
Eşqindən yazmalıyam.
Yadda saxla bunu sən,
Eşqindən yazmalıyam.

Əhdə sadiq yarım, sən,
Fəxrim, iftixarım sən,
Yarım – özüm, yarım – sən,
Eşqindən yazmalıyam.

Qəmlənirik, gülürük,
Haçandan yol gəlirik,
Övlad nədir, bilirik,
Eşqindən yazmalıyam.

Bələdçimsən yollarda,
Büdrəmə sən, yollarda,
Yolçuyuq gen yollarda,
Eşqindən yazmalıyam.

Yazı, qışı görürük,
Dərdə sinə gəririk,
Bir ömürdü – sürürük,
Eşqindən yazmalıyam.

28 avqust 2000